Por Galicia Confidencial | SANTIAGO DE COMPOSTELA | 29/12/2020 | Actualizada ás 21:35
Máis de 4 meses despois, Castrelo de Miño regresa á fronte da actualidade política por mor da súa alcaldía. Faino despois de que, o pasado agosto, este municipio ourensán saltara ás planas dos xornais por un caso de transfuguismo que permitiu a Avelino Pazos (PP) arrebatarlle o bastón de mando a Esteban Suárez (BNG). O proceso que recibiu duras críticas, repetiuse en varios concellos ourensáns nese mes de agosto.
O Concello volve estar de actualidade, en fin, por mor dunha escena supostamente protagonizada polo 'popular' Avelino Pazos na derradeira edicicón da feira mensual do Concello, que tivo lugar o pasado domingo 27. Segundo denuncia o BNG, o alcalde --que eles tachan de "ilexítimo"-- proferiu entón ameazas contra un ex-conselleiro municipal da formación nacionalista, Alfredo Fernández.
"AMEAZA EN PLENA RÚA"
A "ameaza" "en plena rúa" teríase producido no domingo, cando "o ilexítimo, e agora tamén impresentable" alcalde "cruzou a feira para increpar, encarar e ameazar ao militante do bloque". O escena, que segundo o BNG foi "para sorpresa" de Fernández e tamén dos veciños alí presentes, foi calificada de "penosa" por parte do mesmo partido; que uns meses atrás perdeu a alcaldía.
"O ilexítimo alcalde, tras ameazara a un veciño e ex-concelleiro do BNG, amosou a carencia de valores e de educación que ten para ocupar un posto político, e, sobre todo, para presentar ao noso pobo e a nosa xente", subliñaron. A mostra de repulsa do partido recibiu o apoio de varios membros do área ourensá do partido.
Forte aperta para o noso compañeiro e exconcelleiro, Alfredo Fernandez, de Castrelo de Miño, ameazado en plena rúa polo actual alcalde, saído dunha moción de censura de PP e PSOE para apartar do cargo a un alcalde nacionalista. Todo o noso apoio! pic.twitter.com/gxQhOfdXPr
— BNG (@obloque) December 29, 2020
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.