Por E.P. | A CORUÑA | 30/12/2020 | Actualizada ás 17:37
A Policía Local organizará para a xornada deste xoves e para a do 1 de xaneiro un dispositivo especial integrado por 113 efectivos para velar pola seguridade da cidadanía na Coruña, informa o consistorio.
Os efectivos acudirán especialmente ás zonas de lecer e locais "para vixiar que as coruñesas e os coruñeses cumpren coas normas decretadas pola Xunta para estes dous días".
Serán, explica, un total de 113 policías habilitados "co fin de que a cidade celebre o Nadal sen que se produzan reunións maiores das permitidas e se respecten os horarios". Respecto diso, lembra que os negocios de hostalaría terán que pechar ao público ás once da noite e non poderán volver a abrir ata o once da mañá do día 1.
Desde o Concello, faise un chamamento para que a veciñanza "se comporte como ata agora" e para que festexe estas festas "con sentidiño". "Co fin de que entre todas e todos, logremos frear a pandemia", engade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.