A Xunta adxudica o proxecto de construción do parque acuático en Monterrei

A Xunta de Galicia, a través da Secretaría Xeral para o Deporte, adxudicou este mércores o servizo de redacción do proxecto de construción do parque acuático no complexo lúdico deportivo de Monterrei, no Concello de Pereiro de Aguiar. O importe de adxudicación ascende a preto de 193.000 euros e o prazo será de 17 semanas.

Tal e como informou o secretario xeral para o Deporte na súa última visita ao complexo ourensán, o proxecto da parte acuática foi adxudicado no último trimestre de 2020. O proxecto consta de tres fases diferenciadas: a piscina familiar, a piscina infantil e os tobogáns de adrenalina. Durante a execución das obras poderanse utilizar en todo momento as instalacións xa existentes ou finalizadas. O orzamento da parte acuática alcanzará os 8.809.566,35 euros.

A reforma do Complexo Deportivo de Monterrei contará cunha zona deportiva e unha zona acuática como dúas partes diferenciadas e independentes. O orzamento total da actuación roldará os 10 millóns de euros e será cofinanciado ao 50% entre Xunta de Galicia e Deputación de Ourense.

Adxudicado o proxecto de parque acuático en Monterrei | Fonte: Xunta de Galicia