Por Europa Press / Redacción | SANTIAGO DE COMPOSTELA | 20/01/2021 | Actualizada ás 09:34
A entrada dun temporal de vento e choiva que afectará Galicia durante os próximos días deixa xa refachos de máis de 130 quilómetros por hora en puntos da costa coruñesa.
Todo o litoral galego permanece este mércores en aviso amarelo pola previsión de ondada e forte vento, unha alerta que se elevará o xoves ao grao laranxa. Así, os medidores de Meteogalicia captaron nas primeiras horas deste mércores refachos de vento que superan os 130 quilómetros horas en puntos da costa luguesa e coruñesa.
O máximo da xornada ata o momento foi en Penedo do Galo --Viveiro (Lugo)-- con 139,8 quilómetros hora rexistrados ás 07,20 horas.
En Vimianzo, en concreto na Gándara, o vento tamén alcanzaba valores similares cos 132,2 quilómetros hora captados ás 01,50 horas, mentres que en Punta Candieira --Cedeira (A Coruña)-- rozáronse os 130 quilómetros horas tamén nas primeiras horas da madrugada deste mércores. Ademais do temporal na costa, o interior da provincia de Pontevedra tamén se atopa en aviso amarelo pola previsión de fortes precipitacións durante as próximas 12 horas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.