O sindicato STEG reclama a vacinación de traballadores e de alumnos do ensino público na fase II contra a COVID-19
Sinalan que este sector constitúe un segmento da poboación "dun alto nivel de contactos interpersoais" de modo habitual con diferentes axentes da comunidade educativa, e que teñen lugar en espazos reducidos
Por E.P. | SANTIAGO DE COMPOSTELA | 20/01/2021 | Actualizada ás 19:18
A organización STEG dirixiuse á Consellería de Cultura, Educación e Universidade e á Secretaría Xeral de Presidencia para que intercedan na inclusión dos traballadores e alumnos do ensino público na fase II de vacinación contra a COVID-19. A solicitude do sindicato abarca aos traballadores do ensino en xeral, pero pide atender particularmente aos docentes e alumnos que presenten "patoloxías graves".
Nun comunicado, sinalan que este sector constitúe un segmento da poboación "dun alto nivel de contactos interpersoais" de modo habitual con diferentes axentes da comunidade educativa, e que teñen lugar en espazos reducidos. Neste sentido, piden que se inclúa a este segmento na seguinte etapa da vacinación que, segundo indican, previsiblemente arrincaría a principios do mes de febreiro.
