Por E.P. | SANTIAGO DE COMPOSTELA | 25/01/2021 | Actualizada ás 22:04
O sector hostaleiro e turístico en Galicia lamenta que "volve ser o máis castigado" polas novas restricións á mobilidade e de apertura de establecementos anunciadas polo presidente da Xunta á luz dos datos sobre contaxios de coronavirus.
"A falta de coñecer" o detalle das novas medidas, o presidente do Cluster Turismo de Galicia, Cesáreo Pardal, sinalou a hostalaría, restauración e tamén hotelería porque, na súa opinión, son de novo "os máis castigados".
"Por iso avogamos por que sexan consecuentes e tenten dunha forma rápida que o diñeiro chegue ao sector", advertiu, a preguntas dos xornalistas despois dunha reunión de varias horas co vicepresidente primeiro da Xunta, representantes das deputacións e o responsable da Fegamp, para tratar de abordar un plan de rescate a estes ámbitos da economía galega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.