Feijóo declara que case o 90% de casos en centros educativos estiveron en corentena antes de ir á aula

O presidente galego, Alberto Núñez Feijóo, revelou este mércores en sede parlamentaria que os centros educativos da Comunidade acumularon desde o inicio de curso un total de 9.622 casos de covid-19, dos que o 87 por cento (8.400), "se cuarentenaron antes de ir á aula".

"Dos 9.622 casos acumulados na educación, foron fóra das aulas o 87%, 8.400, que se cuarentenaron antes de ir á aula", esgrimiu o presidente, nunha comparecencia na Cámara autonómica na que vinculou estes casos con contaxios rexistrados noutras "circunstancias sociais". En Galicia, entre alumnos e profesores, unhas 400.000 persoas integran os colectivos educativos desde a Educación Infantil ata o Bacharelato, incluíndo a Formación Profesional.

Feijóo rexeitou falar á "lixeira" do peche dos colexios e defendeu que, á vista dos datos, o ámbito "educativo" é "máis seguro" que outros. Como exemplo, co foco en Infantil e Primaria, incidiu en que o peche de aulas faise normalmente porque se detecta un positivo e non se pode evitar que un neno, se é pequeno, se achegue ou "toque" a outras persoas.

"Cando pecharon as clases o 22 de decembro había 820 infectados e agora hai 3.300. O problema é a educación ou o das condutas sociais dos cidadáns fóra das clases?", preguntouse o presidente galego.

alumnos en clase