Por E.P. | SANTIAGO DE COMPOSTELA | 11/02/2021 | Actualizada ás 20:38
As comunidades ao norte do río Douro --Galicia, Asturias, Cantabria e Castela e León-- constituíron un foro científico-técnico sobre o lobo ibérico co fin de coordinarse entre elas. Segundo explica a Xunta nun comunicado, esta actuación forma parte das accións que acordaron tomar estas comunidades con presenza continua desta especie nas últimas décadas.
Agora, os traballos deste comité comezarán coa recompilación da información acumulada polas comunidades que xestionan a esta especie nos últimos anos.
"Neste foro científico-técnico participan tamén, ademais de técnicos do catro comunidades, especialistas do lobo ibérico que asesoran a estas rexións nos seus plans de xestión e outros que participaron na redacción da estratexia nacional sobre esta especie", apuntou a este respecto o Goberno do Principado de Asturias. Agora esperan que somen máis autonomías.
REUNIÓN DA XUNTA CO SECTOR
Pola súa banda, os conselleiros de Medio Rural e Medio Ambiente, José González e Anxos Vázquez, mantiveron unha reunión esta tarde de xoves con representantes do sector gandeiros para coñecer as súas inquietudes e buscar unha fronte común ante a decisión "unilateral" do Ministerio para a Transición Ecolóxica de prohibir a caza do lobo en España.
O Goberno galego sostén que ese veto non levaría unha maior protección para o lobo, á vez que suporía máis prexuízos para os gandeiros. No encontro participaron Roberto García, de Unións Agrarias (UU.AA.); Isabel Vilalba, do Sindicato Labrego Galego (SLG); Francisco Bello, da Asociación Agraria de Galicia (Asaga); e Higinio Mougán, xerente da Asociación Galega de Cooperativas Agroalimentarias (Agaca).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.