Por Europa Press / Redacción | SANTIAGO DE COMPOSTELA | 20/02/2021 | Actualizada ás 18:05
A Policía Local de Ferrol sorprendeu a un cliente dun bar que se atopaba no interior do establecemento de hostalaría tomando unha consumisión acompañado do propietario do negocio. Ambos foron propostos para sanción por incumprir as medidas sanitarias que manteñen pechados os negocios de hostalaría desde finais do mes de xaneiro.
Segundo relata o goberno local ferrolán nun comunicado, unha patrulla da policía municipal apareceu no lugar tras recibir información de que había xente consumindo no exterior do establecemento usando un bocoi como mesa. Alí, observaron que non había ninguén fóra, pero si no interior, onde unha persoa tomaba café na barra. O propietario do establecemento, segundo o relato da policía, xustificou que se trataba dun amigo que se atopaba na zona e que aproveitou para tomarse un café.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.