Por Europa Press / Redacción | A CORUÑA | 19/04/2021 | Actualizada ás 19:32
A Policía Local da Coruña impuxo 28 sancións no polígono de Vío ante a constancia dunha concentración de vehículos con realización por parte dos condutores de "manobras temerarias e neglixentes", informa.
Os feitos producíronse na xornada da tarde do pasado venres e tívose constancia tras ter tamén queixas de veciños das vivendas máis próximas derivadas polo alto volume da música, derrapes e aceleracións por parte dalgúns condutores.
Durante o control realizado, sinalan desde a Policía Local, realizáronse comprobacións sobre os vehículos e persoas condutoras, así como das medidas ditaminadas polas autoridades sanitarias debido á pandemia da Covid-19.
En total, tramitáronse 28 denuncias: 10 por non ter pasada a ITV, unha por non ter o seguro do vehículo ao corrente, oito por condución temeraria, seis por reformas de importancia, un positivo en drogas, un positivo en alcol e un por aparcar en dobre fila.
Desde a área de Seguridade Cidadá lembran que os viarios e terreos que integran este polígono forman parte do viario municipal e que son vías abertas ao tráfico e á circulación no que rexen e son de aplicación as normas de seguridade e a ordenanza municipal.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.