O SERGAS conta con comezar a vacinación de menores de 59 anos a semana que vén

Feijóo indicou que o Sergas se inclina por aplicar a de Janssen, e confirmou que a idea é empezar polas listaxes de mariñeiros de frota de altura e grande altura e, a continuación, baixura.

Por Europa Press / Redacción | Santiago de Compostela | 06/05/2021 | Actualizada ás 16:34

Comparte esta noticia

O Servizo Galego de Saúde (Sergas) prevé finalizar a próxima semana coa vacinación dos maiores de 60 anos, o colectivo de maior risco ante o SARS-Cov-2. Deste xeito, co 'acelerón' que está programado para os próximos días, xa que só entre o venres e ao sábado están programadas 90.000 dose para persoas de entre 65 e 69 anos, a Xunta ten en axenda comezar xa a próxima semana tamén cos galegos de 59 anos cara abaixo.

Na rolda de prensa posterior ao comité clínico extraordinario celebrado este xoves, un día despois do último Consello Interterritorial do Sistema Nacional de Saúde (CISNS) antes do fin do estado de alarma, o presidente da Xunta, Alberto Núñez Feijóo, avanzou as novas fases da vacinación en Galicia e precisou que para o colectivo de menos de 59 anos inxectaranse os fármacos de Pfizer e Janssen, esta última monodose, que ambas son as que están autorizadas.

Ademais, sobre a vacinación dos mariñeiros, e tras iniciarse o procedemento do convenio entre a Xunta e o Instituto Social da Mariña (ISN), Feijóo indicou que o Sergas se inclina por aplicar a de Janssen, e confirmou que a idea é empezar polas listaxes de mariñeiros de frota de altura e gran altura e, a continuación, baixura.

Unha profesional sanitaria inocula unha vacina do Covid-19 desenvolvida por AstraZeneca no marco da proba piloto de vacinación masiva desde o recinto de Fira Barcelona. DAVID ZORRAKINO
Unha profesional sanitaria inocula unha vacina do Covid-19 desenvolvida por AstraZeneca no marco da proba piloto de vacinación masiva desde o recinto de Fira Barcelona. DAVID ZORRAKINO | Fonte: EUROPA PRESS

Na súa intervención posterior á reunión do comité clínico extraordinario, Feijóo mostrou a súa "lealdade absolutamente escrupulosa" coa Comisión de Saúde Pública do Consello Interterritorial do Sistema Nacional de Saúde (CISNS), no que se adoptan as decisións sobre a vacinación, a pesar das discrepancias que mantén Galicia coa estratexia.

Neste sentido, o mandatario asegurou que Galicia entende que "o lóxico" é aplicar a segunda dose de Astrazeneca para o colectivo de persoas menor de 60 anos que recibiron a primeira --entre os que se atopan uns 60.000 traballadores declarados esenciais--, pero a decisión que se adoptou foi a defendida polo Ministerio de Saúde de esperar ao ensaio clínico no que se estuda a posibilidade de combinar este fármaco --de técnica adenovirus-- cunha vacina de tecnoloxía ARN mensaxeiro (como Pfizer ou Moderna).

"Faremos o que se decida no Consello Interterritorial, esteamos total ou parcialmente (de acordo)", manifestou Feijóo, quen apuntou que se puido "adiantar" a vacinación dos maiores de 60 anos pola inclusión de Pfizer como fórmula para o colectivo de entre 66 e 69 anos pero, paralelamente, isto "atrasa" a inmunización dos de 59 cara abaixo, para os que non está autorizada Astrazeneca.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta