Piden vacinar xa contra a covid-19 a todas as persoas con enfermidade mental

A xerente da Asociación Pro Enfermos Mentales da Coruña (APEM), Antía Muruzábal, demandou que se inclúa nos plans de vacinación as persoas usuarias dos centros de día, de rehabilitación psicosocial e pisos protexidos dos que dispón a entidade.

Fíxoo coincidindo coa visita que o presidente da Deputación da Coruña, Valentín González Formoso, realizou ás instalacións da asociación.

Muruzábal expuxo que "a día de hoxe non están vacinadas, a non ser que estean dentro dos parámetros de idade que segue o plan de vacinación, aínda que entendemos que é un colectivo especialmente vulnerable que debería estar vacinado".

Pola súa banda, Formoso considerou que a demanda "ten todo o sentido do mundo" e transmitiu o seu apoio á reivindicación de APEM de que estas persoas sexan consideradas como "colectivo especialmente vulnerable".