Por Europa Press / Redacción | SANTIAGO DE COMPOSTELA | 01/06/2021 | Actualizada ás 13:49
Os casos activos de Covid-19 en centros educativos de Galicia seguen en descenso e redúcense a 468, que supoñen 22 menos, mentres as aulas inoperativas baixan a 19 --dúas menos-- e unha escola infantil continúa pechada en San Sadurniño (A Coruña).
Segundo os datos actualizados este martes polas consellerías de Educación e Sanidade, recollidos por Europa Press, a escola infantil da Rolada de San Sadurniño mantense como o único centro de Galicia pechado ao completo debido a un positivo.
Por áreas sanitarias, as infeccións activas descenden nas da Coruña (-28), Ourense (-6), Santiago (-5) e Pontevedra (-3), mentres que aumentan lixeiramente nas de Vigo (+5), Lugo (+3) e Ferrol (+1).
A área de Vigo segue á cabeza con 185 casos activos --cinco máis--, e mantense con 14 aulas inoperativas. O IES de Mos comtinúa como o máis afectado de toda Galicia, con 33 contaxios e catro aulas pechadas. Séguelle o IES Rosais 2 con nove contaxios --un menos--.
A continuación a de Lugo colócase con 65 infeccións activas --tres máis-- e mantense sen aulas pechadas. O CEIP de Celeiro segue como o centro con máis casos, dez --dous máis--.
Tras ela, con 60 casos sitúanse as áreas de Santiago e a da Coruña. A compostelá reduce en cinco os contaxios e mantén tres aulas inoperativas. O centro máis afectado é o CPR Plurilingüe Galaxia de Ribeira, con sete contagios.
Mentres, a da Coruña experimentou un descenso notable a 60 contaxios --28 menos-- e conta cunha aula pechada --dúas menos--. O CPR Plurilingüe Hijas de Jesús contan con nove positivos --seis menos--.
En canto á de Pontevedra colócase con 57 casos activos --tres menos-- e segue cunha aula pechada no CEIP Arealonga de Vilagarcía de Arousa, que rexistra seiso positivos --un máis--.
OURENSE E FERROL
Pola súa banda, as áreas de Ourense e Ferrol mantéñense como as que presentan menos infeccións activas. En concreto, a primeira conta con 25 casos --seis menos-- dos que tres corresponden ao CPR Plurilingüe San José da cidade das Burgas --un menos-- e segue sen clases inoperativas.
E na área de Ferrol soben a 16 o positivos --un máis-- distribuídos nunha ducia de centros e permanece sen clases pechade pero coa escola infantil de San Sadurniño clausurada porn un positivo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.