Xerais suprime a gala de entrega dos seus premios pola pandemia
Prepara unha serie de vídeos para difundir os libros gañadores.
Por Europa Press / Redacción | SANTIAGO DE COMPOSTELA | 01/06/2021 | Actualizada ás 18:53
Xerais suprime a gala de entrega dos premios correspondentes ao ano 2020 debido á situación da pandemia de coronavirus. Mentres, prepara unha serie de vídeos para difundir os libros gañadores.
O pasado decembro anunciou o ditame da XXXVII edición do Premio Xerais de Novela, a XII do Premio Jules Verne de Literatura Xuvenil e a XXXV do Premio Merlín de Literatura Infantil.
Os vencedores foron os títulos 'Coidadora' de María Marco , 'Santoamaro' de Antonio M. Fraga e 'A folla azul' de Andrea Maceiras, xa á venda en librarías desde abril.
Por mor das crises sanitarias, Xerais cancelou a gala e durante este mes de xuño irá lanzando as imaxes gravadas no Museo do Mar en Vigo.
