A covid comeza a ceder terreo nos colexios galegos, con menos casos e aulas pechadas
Hai 294 persoas contaxiadas, 24 menos que xa xornada anterior.
Por E.P. | SANTIAGO DE COMPOSTELA | 09/06/2021 | Actualizada ás 13:40
Os casos activos de Covid-19 nos centros educativos non universitarios de Galicia continúan con tendencia descendente e baixan a 294, que implican 24 menos que os contabilizadas na xornada anterior. Ademais, redúcense a catro as aulas pechadas --tres menos-- pola incidencia deste coronavirus e non hai centros clausurados.
Así se desprende dos datos actualizados este mércores polas consellerías de Educación e Sanidade, recollidos por Europa Press, nos que se reflicte que os positivos descenden nos centros das áreas sanitarias de Vigo (-15), Pontevedra (-5), Santiago (-4) e A Coruña (-3); aumentan lixeiramente nas de Ferrol (+2) e Ourense (+1), mentres que se manteñen na de Lugo.
A área de Vigo mantense á cabeza en casos activos con 102, que supoñen 15 menos, e dúas aulas pechadas --tres menos--, delas una nunha escola infantil da cidade olívica por un positivo. Nesta área sitúase o centro con máis positivos de Covid de Galicia, o CEIP Seis do Nadal de Vigo con oito --sen cambios--. Pola súa banda, o IES de Mos que ata a xornada pasada estaba á cabeza na Comunidade galega reduce a cinco os contaxios --catro menos--.
A continuación a área de Santiago colócase con 41 casos activos --catro menos-- e mantén unha aula pechada, na escola infantil de Os Tilos por un positivo. O CEIP Plurilingue Galaxia de Ribeira segue con maior número de casos, con catro contaxios --sen cambios--. A área de Pontevedra séguelle con 40 infeccións activas --cinco menos-- e unha aula inoperativa no CEIP Manuel Padín Truiteiro de Soutomaior, que conta con cinco positivos --un menos--.
Pola súa banda, a de Lugo continúa con 32 casos activos de Covid-19 --sen cambios-- e sen aulas inoperativas. Destaca nesta área o CPR Plurilingüe Divina Pastora con tres positivos. En canto á área da Coruña, reduce a 31 os casos activos --tres menos-- e continúa sen aulas pechadas. Nela o maior número de contaxios concéntrano tres centros con tres positivos cada un.
OURENSE E FERROL SEGUEN Á COLA
Con menos casos de Covid-19 nos seus centros educativos seguen as áreas de Ourense e Ferrol. En concreto, a primeira concentra 27 positivos --un máis-- e segue sen clases inoperativas. O CPR Seminario Menor Diocesano La Inmaculada colócase con máis infeccións activas, ao rexistrar catro --unha máis--.
Pola súa banda, a área de Ferrol acumula 21 contaxios --dúas máis-- distribuídos en 18 centros e continúa sen aulas pechadas. Destaca o CPR Plurilingüe San José de Pontedeume con tres positivos.
