San Xoán volverá ser festivo en Galicia en 2022
O 24 de xuño, día no que se conmemora a festividade de San Juan, volverá ser festivo en Galicia no ano 2022.
Por Europa Press / Redacción | Santiago de Compostela | 10/06/2021 | Actualizada ás 15:16
O 24 de xuño, día no que se conmemora a festividade de San Xoán, volverá ser festivo en Galicia no ano 2022. Así o ratificou o presidente da Xunta, Alberto Núñez Feijóo, quen informou do calendario laboral galego para o próximo exercicio.
San Xoán será festivo autonómico e tamén, como é tradicional, o será o 17 de maio, Día das Letras Galegas.
Feijóo explicou que o próximo ano cadran xa en domingo tanto o 25 de decembro como o 1 de maio, polo que se opta por sinalar como festivos o 24 de xuño e o 17 de maio, respectivamente, en substitución das outras dúas datas tradicionais.
Ademais, serán festivos o 1 de xaneiro (Ano Novo), o 6 de xaneiro (Reis), o 14 e 15 de abril (Xoves e Venres Santo), o 25 de xullo (Día de Galicia), o 15 de agosto (Asunción), o 12 de outubro (Festa Nacional de España), o 1 de novembro (Todos os Santos), o 6 de decembro (Día da Constitución) e o 8 de decembro (Inmaculada).
