As Pontes e A Capela sufriron intensos pedrazos na tarde deste domingo
Algúns propietarios de explotacións agrícolas trasladaron que algunhas das súas colleitas se viron afectadas polas sarabiadas.
Por E.P. | SANTIAGO DE COMPOSTELA | 14/06/2021 | Actualizada ás 20:05
Algunhas zonas dos municipios das Pontes e A Capela sufriron na tarde deste domingo a intensidade das precipitacións caídas en forma de sarabia, en moitos casos dun diámetro considerable.
Ao tratarse de descargas de treboadas non afectou por igual e foron varios os focos onde se rexistrou a maior intensidade e tamaño das sarabias. Segundo trasladaron desde a Policía Local das Pontes e desde Bombeiros do Eume a Europa Press non se rexistraron chamadas para demandar axuda.
A pesar disto, algúns propietarios de explotacións agrícolas trasladaron que algunhas das súas colleitas se viron afectadas polas sarabiadas, que non chegaron ao dez minutos, e destacaron sobre todo o tamaño das sarabias.
