Por E.P. | SANTIAGO DE COMPOSTELA | 13/08/2021 | Actualizada ás 16:56
A Xunta de Galicia acaba de conceder axudas para o libro galego dirixidas á tradución de 132 proxectos impulsados por un total de 33 entidades, cun orzamento de 200.000 euros.
A maiores, o pasado 2 de xullo convocouse outra liña de subvencións dirixidas á edición, comercialización e distribución do libro por un montante similar.
O obxectivo destas axudas é continuar apoiando que as empresas editoriais galegas conten con vías para proxectar internacionalmente a súa produción.
Neste sentido, subvencionan tanto a tradución a outras linguas de obras publicadas orixinariamente en galego e de obras publicadas orixinariamente noutros idiomas á lingua propia de Galicia.
No período 2012-2021, a Consellería de Cultura, Educación e Universidade leva destinados case dous millóns de euros en axudas á tradución.
Este ano, reforza as súas achegas para a industria editorial con incrementos do 12 por cento en promoción da lectura ou a inclusión de novas partidas para a promoción e comercialización do libro en librarías, entre outras medidas.
O importe das axudas destinarase a sufragar, total ou parcialmente, os custos de tradución da obra literaria, dos que se abonarán un máximo do 90 por cento.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.