Traballadores de Alu Ibérica urxen "decisións" ao administrador para saír do "pozo"

Traballadores de Alu Ibérica na Coruña urxiron a adopción de decisións ao administrador xudicial das plantas coruñesa e de Avilés, co obxectivo de saír do "pozo" no que aseguran atoparse.

Así o subliñou o presidente do comité de empresa, Juan Carlos López Corbacho, despois dunha xornada na que o administrador se reuniu co comité asturiano, ao que trasladou que reclamará a Alcoa que afronte a falta de pagamentos do persoal.

Este xoves, persoal da fábrica na capital herculina protagonizou unha nova concentración fronte á Delegación do Goberno, onde reclamou medidas ao administrador para saír da situación actual.

"Que as cousas están mal sabémolo, non necesitamos notarios. Necesitamos decisións para sacarnos deste pozo", incide o presidente do comité.