Por Europa Press / Redacción | A CORUÑA | 23/08/2021 | Actualizada ás 18:48
O presidente da Autoridade Portuaria da Coruña, Martín Fernández Prado, convocou para o venres a unha reunión ao Concello herculino e á Xunta para abordar o futuro da fachada marítima.
Segundo informa o organismo portuario, o seu presidente remitiu senllas cartas á conselleira de Infraestruturas e Mobilidade, Ethel Vázquez, e ao concelleiro de Urbanismo, Vivenda, Infraestruturas e Mobilidade, Juan Manuel Díaz Villoslada, convocándolles para este venres ao encontro que está pendente entre as tres administracións para alcanzar un acordo sobre o desenvolvemento da fachada marítima.
Fernández Prado adiantara a Ethel Vázquez e Díaz Villoslada, o pasado 28 de xullo, a necesidade de celebrar unha reunión entre a Autoridade Portuaria, a Xunta de Galicia e o Concello da Coruña.
"As tres institucións que mostraron interese en achegar fondos para manter a titularidade pública dos peiraos de Batería e Calvo Sotelo, ao obxecto de lograr un acordo e establecer un marco xeral para abordar a transformación destes espazos", remarca.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.