Por E.P. | SANTIAGO DE COMPOSTELA | 09/09/2021 | Actualizada ás 16:10
A conselleira de Infraestruturas, Ethel Vázquez, e o conselleiro de Sanidade, Julio García Comesaña, asinaron telematicamente o acordo de colaboración para o control da calidade das augas subterráneas na demarcación hidrográfica Galicia-Costa, polo cal a Xunta destinará 450.000 euros.
Este acordo, que terá unha vixencia de dous anos, dá continuidade a colaboración entre Augas de Galicia e o Laboratorio de Saúde Pública de Galicia, organismos dependentes dos departamentos de Infraestruturas e Sanidade, respectivamente.
En concreto, trátase de manter a cooperación para levar a cabo unha adecuada programación e desenvolvemento da análise dos parámetros de calidade das augas nos puntos de control de augas subterráneas de Galica-Costa. Ambos os departamentos da Xunta colaboran nestes traballos desde o ano 2016, cun investimento que ascende a preto de 1,2 millóns de euros.
No marco deste acordo, a Xunta prevé efectuar unhas 1.600 analíticas ao longo de preto de 80 puntos establecidos nas augas subterráneas co fin de detectar posibles focos de contaminación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.