Sanidade non notifica ningún falecemento este domingo
O último día que Sanidade notificou vítimas foi este sábado, un total de catro rexistradas ao longo da xornada do venres.
Por Europa Press / Redacción | Santiago de Compostela | 19/09/2021 | Actualizada ás 20:49
A Consellería de Sanidade non notificou ningún falecemento de persoas diagnosticadas con covid-19 este domingo, segunda xornada da semana en que isto ocorre.
Deste xeito, a cifra de mortos na Comunidade galega desde o inicio da pandemia mantense en 2.618. O último día que Sanidade notificou vítimas foi este sábado, un total de catro rexistradas ao longo da xornada do venres.
Tres destes últimos mortos rexistráronse no Complexo Hospitalario Universitario da Coruña (Chuac): dúas mulleres de 60 e 62 anos e un home de 57. A cuarta correspóndese cun home de 82 que permanecía ingresado no Complexo Hospitalario de Pontevedra (CHOP). Todos contaban con patoloxías previstas.
