Sanidade retira a Portugal e mantén só a Melilla no rexistro de viaxeiros obrigatorio

A Consellería de Sanidade mantén soamente a Melilla dos territorios españois no rexistro obrigatorio de viaxeiros que deben de comunicar as chegadas a Galicia no marco da crise sanitaria pola Covid-19.

O Diario Oficial de Galicia (DOG) actualiza este martes a listaxe de territorios incluídos no rexistro obrigatorio de viaxeiros, que con respecto ao de hai dúas semanas inclúe soamente a Melilla de entre os territorios españois.

De países de Europa, a listaxe mantense con 26, de entre os que sae Portugal. En concreto inclúense Albania, Armenia, Austria, Acerbaixán, Bulgaria, Croacia, Chipre, Eslovenia, Estonia, Grecia, Irlanda, Illa de Man, Xersei, Kósovo, Letonia, Liechtenstein, Lituania, Macedonia do Norte, Montenegro, Noruega, Reino Unido,Serbia, Suíza, Turquía, Xeorxia e Xibraltar.

A listaxe inclúe a todo o continente africano, ademais das illas Fiji, a Polinesia Francesa, a illa Guam e Nova Caledonia en Oceanía.

En canto a Asia, hai 15 territorios, dous menos que hai 15 días: Afganistán, Bangladesh, Brunei, Iraq, Irán, Israel, Kazajistán, Kirguizistán, Malaisia, Maldivas, Mongolia, Palestina, Siria, Sri Lanka e Tailandia.

E do continente americano son 29 territorios, cinco máis que hai dúas semanas: Anguía, Antigua e Barbuda, Aruba, Bahamas, Barbados, Belice, Bermudas, Bonaire, San Eustaquio e Saba, Costa Rica, Cuba, Curação, Dominica, Estados Unidos, Granada, Guatemala, Guaiana, Illas Turcas e Caicos, Illas Virxes de EE UU, Nicaragua, O Salvador, Paraguai, Venezuela, Haití, San Kitts e Nevis, Santa Lucía, San Martín, Surinam e Xamaica.

Desta maneira, os viaxeiros que estivesen nalgún dos lugares da listaxe nos 14 días anteriores deben comunicar, nun prazo máximo de 24 horas, os seus datos de contacto e estancia a través da web https://coronavirus.sergas.gal/viaxeiros ou do teléfono 881 00 20 21.

Os territorios volverán actualizarse en prazo máximo de 15 días naturais.

Varias persoas facaturan a súa equipaxe na terminal T4 do Aeroporto Adolfo Suárez Madrid-Barallas. Jesús Hellín - Europa Press