Morre un septuaxenario na Gudiña ao envorcar o seu tractor e quedar atrapado

Ocorreu no lugar de San Lourenzo.

Por Europa Press / Redacción | Ourense | 25/09/2021 | Actualizada ás 19:35

Comparte esta noticia

Un home septuaxenario morreu na tarde deste sábado no municipio ourensán da Gudiña ao envorcar o seu tractor e quedar atrapado debaixo do vehículo.

Tractor
Tractor | Fonte: Europa Press - Arquivo.

En concreto, segundo informa o 112 Galicia, o tractor circulaba polo lugar de San Lourenzo cando se produciu o accidente, pouco antes das 16,30 horas. Entón, a central do 112 recibiu unha chamada da Garda Civil de Ourense, que á súa vez foran avisados por parte de familiares do home.

De acordo co seu relato, o home fora atopado nunha leira atrapado debaixo do vehículo agrícola. Deste xeito, o persoal da central de emerxencias pasou o aviso ao GES da Gudiña para poder liberar á vítima e facilitar a atención aos profesionais sanitarios. Con todo, os equipos de emerxencias desprazados tan só puideron confirmar o falecemento do home.

De acordo con fontes do equipo de intervención consultadas por Europa Press, ao longo da tarde esperábase o desprazamento do xuíz de garda ata o lugar para autorizar o levantamento do cadáver.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta