Os colexios galegos baixan en casos activos pero suman outras seis aulas pechadas
Son xa 23 as aulas inoperativas, con 270 contaxios.
Por E.P. | SANTIAGO DE COMPOSTELA | 29/09/2021 | Actualizada ás 12:30
Os casos activos de Covid-19 en centros educativos de Galicia descenden a 270, que supoñen 94 menos que os 364 rexistrados hai unha semana, mentres que as aulas pechadas no últimos sete días pola incidencia deste coronavirus aumentan a 23, seis máis.
Segundo os datos actualizados este mércores pola Consellería de Educación --que facilitan de maneira semanal--, con máis casos de Covid en traballadores e alumnos de centros educativos sitúase a área de Ourense, con 61, que supoñen tres máis que os rexistrados hai unha semana, e oito aulas pechadas no últimos sete días --unha máis--.
Segue a área de Vigo, con 55 casos activos, 23 menos que hai unha semana, e dúas aulas pechadas --unha máis--. A continuación colócase a de Lugo, con 53 infeccións --17 menos-- e sete clases inoperativas --dúas menos--. Pola súa banda, a área da Coruña reduce a 42 os seus casos activos, que implican 37 menos que hai unha semana, e non conta con aulas pechadas no últimos sete días --había una o mércores pasado--; e a de Santiago e Barbanza colócase con 37 --once menos-- e dúas aulas pechadas --unha menos--.
Polo seu lado, a área de Pontevedra rexistra 17 casos activos en centros educativos --oito menos que hai unha semana-- e catro aulas pechadas --fai sete días non tiña ningunha--. A área de Ferrol colócase á cola con cinco infeccións activas de Covid-19, unha menos que hai unha semana, e tampouco non conta con aulas pechadas no últimos sete días.
CASOS DESTACADOS
A Xunta destaca a situación en dous centros educativos con senllos brotes de Covid. Un deles o CEIP O Cantel de Foz, que conta con 36 casos activos --seis máis que hai unha semana-- e unha aula pechada --tres menos--.
Pola súa banda, o CEIP Plurilingüe Condesa de Fenosa do Barco de Valdeorras rexistra 23 casos activos e dúas aulas pechadas pola incidencia da Covid-19. En canto ás escolas infantís, rexistran un único caso activo no conxunto de Galicia, localizado na área de Vigo, e unha aula pechada, o que supón dous positivos menos que hai unha semana e unha clase inoperativa menos.
