Un incendio nun alpendre de Zas mobiliza aos bombeiros de madrugada
A vivenda anexa non sufriu danos, pero a pequena construción rematou por colapsar.
Por E.P. | SANTIAGO DE COMPOSTELA | 07/10/2021 | Actualizada ás 12:53
Os Bombeiros de Santa Comba sufocaron na madrugada deste xoves un incendio nun alpendre, cuxo tellado colapsou, que afectou a un depósito de combustible para calefacción, mentres que a vivenda anexa non sufriu danos. Segundo informaron os Bombeiros de Santa Comba, ás 2,51 horas deste xoves recibiron o aviso por un incendio nun alpendre no lugar de Fornelos, na parroquia de Baio, do concello coruñés de Zas.
Os bombeiros relataron que recibiron unha chamada do 112 Galicia que alertaba do incendio nunha vivenda deshabitada no lugar de Fornelos do municipio de Zas. Ao chegar ao lugar constatan que se trata dun lume nun alpendre encostado a unha casa, coa maior parte do tellado colapsado e as vigas que quedaban moi afectadas pola temperatura no interior do alpendre.
As mesmas fontes detallaron que resultaron afectados o lume un depósito de gasóleo da calefacción, ademais da caldeira de gasóleo, así como utensilios de labranza, un muíño grande eléctrico, madeiras e leña, entre outras cousas alí almacenadas. Pola súa banda, destacaron os bombeiros, a vivenda non resultou afectada e concluíron a súa intervención ás 5,26 horas deste xoves. Tamén foron mobilizada por esta incidencia a Garda Civil de Muxía.
