Por Europa Press / Redacción | SANTIAGO DE COMPOSTELA | 18/10/2021 | Actualizada ás 17:09
A colisión de dous vehículos rexistrada na tarde deste luns no límite dos municipios coruñeses de Teo e Rois saldouse cunha persoa falecida. Así o confirmaron a Europa Press fontes policiais, que indicaron que este sinistro ocorreu no límite de Teo e Rois e fíxose cargo a Garda Civil de Tráfico.
Segundo os datos facilitados polo 112 Galicia, este sinistro tivo lugar sobre as 15,45 horas na estrada N-550, dirección Santiago de Compostela, ao chocar dous turismos. Morreu unha persoa que viaxaba nun deles e outra do outro vehículo resultou ferida.
Foron mobilizados o 061, Bombeiros de Boiro, Garda Civil de Tráfico, GES de Padrón e Policía Local. Os servizos sanitarios enviaron ao lugar un helicóptero medicalizado pero non se puido facer nada por salvar a vía da vítima, concretou o 112.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.