Ingresada unha nena de 10 anos con prognóstico reservado tras ser atropelada en Bergondo

Unha menor de dez anos resultou atropelada este martes cando viña en autobús do colexio, segundo informa o consistorio de Bergondo. Os feitos producíronse ao redor das 15.29 horas, en Fiobre, na AC-164, xunto á parada existente na contorna do parque infantil.

De acordo coa información facilitada, a menor cruzou a estrada, sendo atropelada por un turismo que circulaba en dirección Bergondo.

Ata o lugar desprazouse a Policía Local, Protección Civil, a Garda Civil de Tráfico e dúas ambulancias do 061, unha delas a UVI móbil. A menor foi trasladada con prognóstico reservado ao Hospital Teresa Herrera da Coruña.