Por Europa Press / Redacción | SANTIAGO DE COMPOSTELA | 14/11/2021 | Actualizada ás 10:59
A menor agredida no Carballiño por un amigo xa recibiu o alta hospitalaria hai uns días, tras case dous meses ingresada, e puido regresar á vivenda familiar.
A adolescente tiña 14 anos cando foi atacada o 9 de setembro cunha pata de cabra por un amigo de 13, que tiña a intención de matala para "saber que sentía", segundo el mesmo declarou ás autoridades.
A vítima estivo na planta de reanimación do Complexo Hospitalario Universitario de Ourense (CHUO) ata finais de outubro, cando foi subida a planta ata que finalmente puido abandonar o hospital o día 31 e volver á súa casa no Carballiño.
Agora, debido ás secuelas padecidas por esta agresión, a familia está á espera de ser tratada nun centro de neurorehabilitación situado fóra de Galicia.
Pola súa banda, o menor que supostamente acometeu os feitos leva semanas internado nun centro de menores para adolescentes con problemas de conduta tutelado pola Xunta de Galicia, xa que ao ter menos de 14 anos non se enfronta a responsabilidades penais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.