Ollo coa herdanzas: alertan de comisións "ilegais" cobradas polos bancos en Galicia

Os Xestores Administrativos aseguran que as comisións de entre 90 e 150 cobradas por varias entidades son ilegais.

Por Europa Press / Redacción | SANTIAGO DE COMPOSTELA | 17/11/2021 | Actualizada ás 12:24

Comparte esta noticia

Os Xestores Administrativos de Galicia denunciaron que moitas entidades bancarias cobran comisións improcedentes de entre 90 e 150 euros pola herdanza dun familiar. Nun comunicado, o Colexio oficial de Xestores Administrativos de Galicia lembra que as xestorías se enfrontan a miles de testamentarías, un labor complexo que esixe realizar numerosos trámites para que os herdeiros poidan recibir os bens da persoa falecida.

Entre estas xestións, explica que se atopa a recuperación do diñeiro das contas bancarias do falecido, unha tarefa que, conforme apuntan, "en moitos casos é lenta e tediosa por mor dos obstáculos que pon as entidades bancarias". Así, sinalan que, "para recuperar o diñeiro das contas, produtos financeiros ou accións, moitos bancos obrigan a abrir un expediente de testamentaría no que ademais de pedir numerosa documentación para acreditar a condición de herdeiro, reclaman entre 90 euros e 150 euros por realizar o devandito trámite.

Desde a corporación profesional alertan de que o Banco de España denunciou que esta práctica "é ilegal e que a información patrimonial ten que ser gratuíta para os herdeiros". Ademais, engaden, que estes non están obrigados nin a contratar co banco as xestións de testamentaría nin a abrir unha conta para poder recibir o diñeiro do familiar falecido. Tampouco se lles pode cobrar por facer unha transferencia da conta do defunto á dos herdeiros.

XESTIÓNS BANCARIAS GRATUÍTAS

A organización colexial lembra que o banco tamén está obrigado a entregar de forma totalmente gratuíta o certificado dos saldos das contas do falecido, os movementos das contas desde un ano antes da data de falecemento e a proporcionar un medio para recibir ese diñeiro. Así as cousas, o Colexio oficial recomenda non pagar as comisións esixidas e acudir ao defensor do cliente da entidade para reclamar o diñeiro da herdanza. Se ao cabo dun mes non hai resposta, pódese reclamar ao Banco de España.

Detalle dun caixeiro automático. ÓSCAR CANAS
Detalle dun caixeiro automático. ÓSCAR CANAS | Fonte: EUROPA PRESS

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

As ratas seguen alimentándose das desgracias alleas... Non chega con eliminar caixeiros do rural, cobrar comisións abusivas, e agora tamén haberá que reclamar os cartos dunha herdanza ao Banco de España ? Seguimos alimentando o Estado de Indefensión Permanente ? http://www.galiciaconfidencial.com/...