Cincuenta e nove concellos entrarán nos programas de atención a persoas en risco ou situación de vulnerabilidade
Por segunda vez tamén se atenderá ás persoas sen fogar.
Por E.P. | SANTIAGO DE COMPOSTELA | 04/12/2021 | Actualizada ás 14:17
A Xunta de Galicia destinará 5,8 millóns de euros a 208 programas de atención a persoas en risco ou situación de vulnerabilidade e que desenvolverán 59 municipios. Como sinalou no seu comunicado a Consellería de Política Social, estás axudas forman parte dos programas de inclusión social do período 2021-2023.
Con estas axudas, as entidades locais sufragarán accións destinadas á adquisición de formación básica ou laboral adaptadas ás necesidades dos destinatarios, actuacións de mediación intercultural ou de carácter residencial; e programas de educación e apoio familiar.
Ademais, o Executivo galego ampliou o prazo para levar a cabo os programas subvencionados de 20 a 22 meses, o que permitirá, segundo a Xunta, que estes programas teñan maior estabilidade financeira e sexan "máis ambiciosos". No comunicado, a Xunta lembra que se inclúe por segunda vez un programa específico de atención ás persoas sen fogar.
