Manpower ofrece máis de 300 postos de traballo en Galicia
Os operarios de automoción e do sector pesqueiro son os perfís máis demandados nestas datas en Galicia.
Por Galicia Confidencial | Santiago de Compostela | 22/12/2021 | Actualizada ás 22:15
Manpower, líder mundial en solucións de traballo temporal e selección, busca 316 profesionais en Galicia, tanto para atender o pico da campaña de Nadal como para o arranque de ano nos que moitas empresas reforzan o seu persoal.
Os operarios de automoción e do sector conserveiro son os perfís máis demandados nestas datas en Galicia: Búscanse 200 profesionais: 100 operarios de automoción e outros 100 operarios para o sector da conserva.
Tamén se buscan 17 profesionais para dar apoio comercial e 25 operarios para a cadea de produción na zona de As Pontes. Ademais, ofértanse 20 postos en distintas responsabilidades relacionadas co comercio electrónico, 10 teleoperadores de venda para call center e 10 repartidores.
As diferentes vacantes que se ofertan en Manpower en Galicia constitúen unha gran oportunidade para todas aquelas persoas que teñan motivación por desenvolverse e crecer profesionalmente en sectores de actividade en auxe.
Aqueles profesionais que queiran consultar os detalles das vacantes dispoñibles en Galicia e inscribirse nas ofertas deberán aplicar a través do seguinte link, e filtrar os resultados por provincia.
