Por E.P. | Lugo | 22/12/2021 | Actualizada ás 20:54
O presidente da Deputación de Lugo e alcalde de Monforte, José Tomé, rexistrou na tarde deste mércores a súa candidatura ás primarias á Secretaría Xeral do PSdeG na provincia.
Deste xeito, formaliza a súa participación no proceso no primeiro día de prazo para facelo segundo o calendario aprobado o pasado sábado polo comité provincial.
O rexedor subliñou que dá o paso coa vontade de pór ao servizo do Partido Socialista no conxunto da provincia toda a súa "experiencia política", tanto orgánica como institucional, e toda a capacidade de traballo, de organización, de propostas e de dinamismo.
De cara a este proceso, cuxo calendario inclúe a celebración de primarias o 30 de xaneiro, tamén avanzou a súa vontade de competir polo liderado do partido na provincia o alcalde de Castroverde, Xosé María Arias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.