Reclaman o inicio dos traballos da comisión para o seguimento do dragado na ría do Burgo

A Marea Atlántica reclamou a posta en marcha da comisión de seguimento do dragado da ría do Burgo, "na que o Concello da Coruña debe ter un papel activo", sinala.

"Esiximos á Xunta e ao Estado que asuman as compensacións ao marisqueo mentres as obras de saneamento impidan o traballo", sinala a portavoz municipal, María García.

Faino tras rexistrar esta formación unha batería de preguntas ao goberno local para coñecer o papel do concello na recuperación da ría e a protección da súa biodiversidade.

Entre outras cuestións, instan o Ministerio de Medio Ambiente, promotor do proxecto, a constituír a comisión de seguimento reclamada polos concellos da Mesa da Ría do Burgo.

Concentración Ría do Burgo. BNG | Fonte: Europa Press