A conselleira de Infraestruturas, en corentena tras dar positivo en Covid

A conselleira de Infraestruturas e Mobilidade, Ethel Vázquez, deu positivo por Covid, segundo confirma a propia responsable autonómica na súa conta de redes sociais.

"Estou en corentena por dar positivo nun test", explica a conselleira, que tiña previsto asistir este xoves aos actos da Pascua Militar na cidade herculina.

"Atópome ben, así que tocará seguir traballando desde casa durante uns días", explica na súa conta de Twitter, na que traslada "ánimo para todos" e desexa, ao mesmo tempo, un feliz día de Reis.

A conselleira de Infraestruturas e Mobilidade, Ethel Vázquez, no pleno do Parlamento. XOÁN CRESPO | Fonte: Europa Press