Falecen cinco persoas que foran diagnosticadas con Covid
Unha das persoas falecidas tiña 58 anos.
Por Galicia Confidencial | Compostela | 06/01/2022 | Actualizada ás 20:21
A Consellería de Sanidade notificou este xoves outros cinco falecementos vencellados á pandemia en Galicia. Os óbitos correspóndense ao pasado día 4 e 5 de xaneiro. Elévanse a 2.805 o número de mortes pola pandemia en Galicia.
O día catro de xaneiro faleceu un home de 91 anos no Hospital do Salnés e tamén un home de 58 anos no CHUVI, en Vigo.
Foi no día de onte cando faleceron outras tres persoas que foran diagnosticadas con coronavirus. Unha delas tiña 78 anos e faleceu no CHUO, en Ourense, así como outra muller de 66 anos, que faleceu no mesmo hospital. O último dos falecementos notificados polo Sergas correspóndese a un home de 90 anos que faleceu no CHOP, en Pontevedra.
As persoas falecidas presentaban patoloxías previas.
