Por Europa Press / Redacción | A CORUÑA | 10/01/2022 | Actualizada ás 14:25
O grupo municipal do BNG no Concello da Coruña volveu a instar o goberno local a presentar a demanda para "recuperar" a Casa Cornide, en propiedade actualmente da familia Franco.
Faino con motivo da pregunta que este xoves levará a pleno e na que, segundo informa, botará "man da ironía" para expor "se será capaz o goberno local de presentar a demanda xudicial para a restitución ao patrimonio público" do inmoble "antes da conclusión do presente século".
O BNG xa levou esta cuestión ao pleno do pasado mes de decembro e avanza que o volverá a facer "ante a inacción do goberno". "Ímolo facer cantas veces sexa necesario mentres non se inicien as accións legais". sentencia o seu portavoz, Francisco Jorquera.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.