A USC promove un proxecto social para investigar os beneficios dos microminerais en pacientes oncolóxicos

O proxecto 'Minerais contra o cancro', que ten como obxectivo investigar en profundidade o potencial labor que poden desenvolver os microminerais en pacientes oncolóxicos da provincia de Lugo, logra recadar 14.000 euros para o seu financiamento.

Esta iniciativa de ciencia social está liderada pola profesora Marta López Alonso e impulsada polo grupo de Medicina Animal (ImedA) da Facultade de Veterinaria do Campus Terra da USC en colaboración co Hospital Universitario Lucus Augusti (HULA).

Desde o Campus Terra, detallaron que grazas a este proxecto poderase valorar "se o uso destes microminerais podería traballar como suplemento complementario da quimioterapia e radioterapia" para, así, mellorar o prognóstico dos afectados pola enfermidade.

Existe unha "estreita relación" entre determinadas deficiencias de minerais con algúns tipos de tumores "como é o caso do selenio nos tumores de mama e de próstata", explica López Alonso. Os elementos minerais tamén son moi importantes no proceso inflamatorio que se produce contorna da maioría destes tumores, "o que provoca que as necesidades nutricionais aumenten".

López Alonso describe este estudo como "moi bonito, á vez que ambicioso". Nas próximas semanas solicitarase unha mostra sangre a todos os lucenses que queiran colaborar en proxecto, pois esta liña de traballo sustentarase "nun estudo previo dos niveis basales de microminerales que presenta a poboación lucense", aclara.

A profesora engade que toda aquela persoa que quere colaborar co traballo, de forma altruísta, recibirá, "como contrapartida" a súa status mineral.

REDE DE COLABORADORES

O proxecto da USC logrou axuntar as forzas da contorna sanitaria en Lugo. A asociación 'Somos Unidos polo Cancro' e a delegación provincial da Asociación Española contra o Cancro (AECC) apadriñaron un proxecto ao que non pairan de sumarse apoios.

Farnacias, clínicas, establecementos comerciais ofrecen a posibilidade de colaborar economicamente coa investigación desde os seus propio locais. Desde a USC pon como exemplo á empresa de autobuses Alsa que "dá a posibilida de doar un euro de cada un dos seus billetes a este programa de ciencia solidaria", relata López Alonso.

Actualmente xa se recadaron un total de 14.000 euros para financiar o proxecto, pero as doazóns poderán seguir efectuándose a través da plataforma de micromecenazgo Precipita ata o mes de marzo.

Científicos brasileiros crean unha estratexia que frea o crecemento das células do cancro de mama tripla negativo | Fonte: FEDEX EXPRESS - Arquivo.