Por E.P. | SANTIAGO DE COMPOSTELA | 18/01/2022 | Actualizada ás 18:31
A Consellería do Mar convoca nove novos permisos de explotación para marisqueo a pé na confraría de pescadores de Cambados. Para poder optar a eles os solicitantes deben cumprir, entre outros, os requisitos esixidos no decreto polo que se regulan os permisos de explotación para exercer a actividade pesqueira e marisqueira e presentar a documentación requirida.
Segundo informa o departamento autonómico, os interesados poderán consultar a convocatoria na páxina web da Consellería nesta ligazón. O prazo de presentación de solicitudes é de 15 días hábiles tras a publicación desta convocatoria no taboleiro de anuncios da Xefatura Territorial e na páxina web da Consellería.
As solicitudes e a documentación acreditativa presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia.
Tamén se poderán presentar en papel nas oficinas de rexistro da Xunta de Galicia, oficinas de correos ou no resto de lugares indicados na Lei de réxime xurídico das administracións públicas e do procedemento administrativo común.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.