Por Europa Press / Redacción | SANTIAGO DE COMPOSTELA | 20/01/2022 | Actualizada ás 14:09
O colectivo de galegos con idades comprendidas entre os 29 e os 18 anos empezarán a recibir a vacina de reforzo fronte á covid-19 a partir do martes da próxima semana. Así o ratificou o presidente galego, Alberto Núñez Feijóo, ao termo do Consello da Xunta, nunha rolda de prensa na que tamén ratificou que, en paralelo, continuarán as repescas. A previsión é chamar a outras 165.000 persoas na Comunidade.
Feijóo fixo un repaso dos últimos datos de vacinación en Galicia, "moi adiantada a todos os parámetros" que o Goberno central ditaminou no que respecta aos obxectivos para as autonomías e o conxunto do territorio estatal. O presidente felicitou aos sanitarios que interveñen no proceso e proclamou que é "un orgullo dar estes datos fóra de Galicia.
E é que, ademais de ser a comunidade mellor situada en España, esgrimiu que Galicia está nunha posición que a sitúa "entre o tres rexións con maior vacinación da UE" e, en consecuencia, agregou, "practicamente do mundo".
PONTEVEDRA
A área Sanitaria de Pontevedra e O Salnés xa anunciou que citará unhas 3.000 persoas de 29 a 18 anos diarias a vacinarse contra a Covid-19 a próxima semana, para recibir a dose de reforzo, e tamén programou para a tarde do mércores 26 de xaneiro unha campaña para inmunizar menores de 12 anos.
Así o informou este xoves o director de Enfermaría e coordinador de vacinación Covid da área Sanitaria de Pontevedra e O Salnés, Juan Vázquez Vilar. Segundo concretou, no que queda desta semana --venres, sábado e domingo-- van seguir coa franxa de idade de 30 a 39 en quenda de mañá e tarde tanto nas sedes de Campolongo e Fexdega. Desde o luns 24 pasarán á franxa de idade seguinte, de 29 a 18 anos, nos centros de vacinación de Fexdega, en Vilagarcía, e Campolongo, en Pontevedra, "en quendas de mañá e tarde". "Vai ser así toda a semana de luns a sábado", apostilou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.