Tres lumes orixinados en Portugal afectan ao Parque Natural do Xurés

O lume que afecta ao Concello de Muíños quedou controlado, pero permanecen en activo outros dous en Entrimo e Calvos de Randín.

Por Europa Press / Redacción | OURENSE | 30/01/2022 | Actualizada ás 14:59

Comparte esta noticia

O incendio declarado no concello ourensán de Muíños, na parroquia de Prado de Limia , esta madrugada, quedou controlado ás 13,41 horas deste domingo, segundo informou a Consellería de Medio Rural.

O lume entrou en Galicia desde Portugal esta pasada madrugada e afecta a unha superficie de ao redor dunha hectárea dentro do Parque Natural da Baixa Limia-Serra do Xurés. Informan ademais de que dentro deste espazo natural permanece activo outro lume, no municipio de Entrimo, na parroquia de Venceáns. Este incendio tamén chegou desde Portugal e, segundo as últimas estimacións da Administración, afecta a unha superficie de ao redor de 50 hectáreas.

Para o control destes dous lumes mobilizáronse catro axentes, tres brigadas, unha motobomba e dous avións.

Nas últimas horas, tamén chegou desde Portugal outro incendio, no concello de Calvos de Randín (parroquia de Randín) que afecta, así mesmo, ao mencionado Parque do Xurés. Na súa extinción traballan dous axentes, unha brigada, unha motobomba e un helicóptero.

Un bombeiro apaga un incendio
Un bombeiro apaga un incendio | Fonte: Álvaro Ballesteros - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta