Morre unha muller en Begonte tras sufrir unha caída contra un pozo

Unha muller faleceu no municipio lugués de Begonte ao sufrir unha caída e bater coa cabeza contra a estrutura dun pozo. O suceso, segundo informou na mañá deste sábado o CIAE 112 Galicia, produciuse ao redor das 23,00 horas do venres nunha vivenda do centro urbano de Begonte.

Tras recibir a alerta, un equipo de emerxencias composto polos bombeiros de Vilalba e profesionais de Urxencias Sanitarias 061 desprazouse á casa, situada na estrada en dirección Rábade. Os bombeiros recuperaron do interior do pozo o corpo sen vida da muller, apunta o CIAE 112 Galicia.

Personal de ambulancia con traxe de proteción contra o coronavirus / @miguelnuñez Técnicos sanitarios dunha ambulancia nunha chamada para atender un posible caso de coronaviurs COVID 19 / © Miguel Núñez Técnicos sanitarios dunha ambulancia nunha chamada para atender un posible caso de coronaviurs COVID 19 / © Miguel Núñez