Os aeroportos galegos achéganse a cifras prepandemia tras crecer un 300% en número de pasaxeiros
O de Santiago disparouse nun 736% con respecto a 2021.
Por E.P. | SANTIAGO DE COMPOSTELA | 12/04/2022 | Actualizada ás 17:32
Os aeroportos galegos recuperaron no mes de maio o 78% dos pasaxeiros que manexaban en 2019, antes da pandemia de covid-19. En concreto, segundo os datos publicados este martes por Aena, no terceiro mes do ano pasaron polas tres terminais galegas 318.371 viaxeiros, o 78% dos 405.108 rexistrados en marzo de 2019, e un 349% máis que en 2021, exercicio afectado polas restricións do coronavirus.
En concreto, o aeroporto de Santiago rexistrou 190.548 pasaxeiros, un 9,9% menos que en marzo de 2019 e un 736% por encima dos datos de hai un ano. Pola súa banda, o aeroporto da Coruña manexou 67.002 --un 28% menos que en 2019-- e o de Vigo 60.821, un 28,3% menos que en marzo de hai tres anos.
En canto ás operacións, en marzo deste ano situáronse en niveis similares aos datos prepandemia, con 4.009 operacións, fronte ás 4.026 de marzo de 2019. En canto aos datos acumulados, no primeiros tres meses do ano pasaron polo tres aeroportos galegos 775.001 pasaxeiros, o 72% dos que fixeron uso destas instalacións ata marzo de 2019.
