Sanidade fala de "evolución clínica positiva" tras detectarse dous casos de hepatite aguda infantil na Coruña e Vigo

Ata a data, por parte das autoridades sanitarias de Galicia reportáronse os dous citados casos detectados nas áreas sanitarias da Coruña e Vigo.

Por Europa Press / Redacción | SANTIAGO DE COMPOSTELA | 20/04/2022 | Actualizada ás 15:58

Comparte esta noticia

A Consellería de Sanidade destacou este mércores a "evolución clínica positiva" polo momento en Galicia tras detectarse dous posibles casos de hepatite aguda infantil de orixe descoñecida nas áreas sanitarias da Coruña e Vigo.

Así o informou nun comunicado de prensa a Consellería de Sanidade, que puntualiza que "polo momento" a Dirección Xeral de Saúde Pública de Sanidade reportou dous casos, un deles detectado na área sanitaria da Coruña e outro na de Vigo.

Sobre o procedemento relacionado co número de casos de hepatite aguda grave de etiología descoñecida observado este ano, inicialmente en Escocia e despois no resto do Reino Unido, Sanidade explicou, que levou ao Goberno de España, xunto á Organización Mundial da Saúde, a emitir unha alerta co obxectivo de coñecer "se podían existir máis casos noutros países, para incorporalos ao proceso de investigación causal".

Así, unha vez recibida a alerta, o Centro de Coordinación de Alertas e Emerxencias Sanitarias do Ministerio de Sanidade trasladoulle ás comunidades autónomas unha definición de caso e un procedemento de recollida de datos (enquisa) e de toma de mostras, que son similares ao protocolo de investigación que se emprega en Reino Unido.

Recibida a definición do caso, a Dirección Xeral de Saúde Pública da Consellería de Sanidade difundiuna a todos os hospitais de Galicia coa instrución de que notificasen ás xefaturas territoriais todos os casos que, desde o inicio deste ano, cumprían a definición. "Esta notificación é só de datos básicos do caso", matiza.

Unha vez terminada a enquisa, a xefatura territorial envíaa, a través da Dirección Xeral de Saúde Pública, ao Centro de Coordinación de Alertas, que recibe tamén do Centro Nacional de Microbiología o resultado das probas que alí se realicen. Ata a data, por parte das autoridades sanitarias de Galicia reportáronse os dous citados casos detectados nas áreas sanitarias da Coruña e Vigo.

O conselleiro de Sanidade, Julio García Comesaña, en rolda de prensa.. XUNTA
O conselleiro de Sanidade, Julio García Comesaña, en rolda de prensa.. XUNTA | Fonte: CONCHI PAZ

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta