Por Europa Press / Redacción | SANTIAGO DE COMPOSTELA | 25/04/2022 | Actualizada ás 11:32
Os prezos industriais galegos disparáronse un 52% en marzo en comparación co mesmo mes de 2021, segundo os datos que publica o Instituto Nacional de Estatística (INE) este luns. Este repunte é o maior de GAlicia desde que hai rexistros (desde 2003 no caso das comunidades), mentres acumula un ano consecutivo de alzas interanuais, pois o último descenso produciuse en febreiro de 2021.
O incremento dos prezos industriais galegos é maior que o da media española, que se sitúa nun 46,6% de avance. Esa subida alcanza o 121% en Asturias.
Respecto ao mes anterior, hai un aumento do 6,7% no caso galego. De media no que vai de ano, no acumulado do trimestre, a subida é do 12,3% en comparación co mesmo período de 2021. Por sectores, este aumento tan avultado débese ao incremento dos prezos da enerxía, un 164% en Galicia. A moita máis distancia atópanse outros como bens intermedios (+22,2%) e de consumo (+7,4%).
DATOS ESTATAIS
Os prezos industriais subiron en España un 6,6% o pasado mes de marzo en relación ao mes anterior e disparáronse un 46,6% en taxa interanual, 5,5 puntos por encima da de febreiro e crecemento marca en 46 anos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.