Prórroga ata finais de xullo para a ocupación da térmica das Pontes, segundo Endesa
Fontes da compañía confirmaron que os contratos do persoal das auxiliares e do propio da central que se atopa desprazado foron estendidos ata finais de xullo.
Por E.P. | SANTIAGO DE COMPOSTELA | 14/05/2022 | Actualizada ás 15:04
Endesa prorrogou por dous meses máis os contratos dos traballadores que manteñen ocupada a central térmica das Pontes, pendente de peche definitivo.
Fontes da compañía confirmaron que os contratos do persoal das auxiliares e do propio da central que se atopa desprazado foron estendidos ata finais de xullo.
Estes contratos vencían a finais do presente mes de maio e agora esténdense dous meses máis á espera da culminación dos trámites para proceder ao peche e desmantelamento da planta.
Este trámite, que a compañía enerxética realizou xa en media ducia de ocasións, está orientado a manter "operativa" a central mentres non chega a autorización para o peche definitivo.
