Por Europa Press / Redacción | SANTIAGO DE COMPOSTELA | 29/05/2022 | Actualizada ás 14:05
O secretario xeral do PSdeG e alcalde das Pontes, Valentín González Formoso, confirmou que o mozo galego ferido na explosión do Hotel Saratoga na Habana o 6 de maio, volve este luns a Galicia.
Nun acto en Boiro, Formoso asegurou que o mozo está "en moi bo estado físico" e que "se recuperou antes do que se prevía" --permanecía ingresado en estado grave--.
O rexedor das Pontes, de onde é natural o mozo, comentou que "está en contacto permanente coa familia", que o autorizou para agradecer a todo o servizo diplomático español e ao Ministerio de Exteriores "que se implicaron tanto nunha situación tan dolorosa que a familia viviu desde a distancia".
A explosión accidental no hotel causou, segundo as autoridades cubanas, 35 falecidos, entre eles unha turista natural de Viveiro e parella do veciño das Pontes que volve este luns, cuxa chegada a familia prefire manter no ámbito privado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.