As honras ao rei emétiro na cidade da Coruña manteranse ao non prosperar unha moción co voto en contra de PSOE e PP

Os socialistas presentaron unha emenda que non contou co apoio de ningún dos grupos. O portavoz do goberno local, José Manuel Lage, sostivo que a actuación do rei emérito "non é para estar orgulloso", pero os socialistas non apoiaron unha moción que defendeu o concelleiro da Marea Atlántica Alberto Lema.

Por E.P. | A CORUÑA | 02/06/2022 | Actualizada ás 17:06

Comparte esta noticia

O pleno da Coruña rexeitou retirar as honras outorgadas polo consistorio coruñés ao rei emérito Juan Carlos, como solicitaba unha moción exposta pola Marea Atlántica e que contou co apoio do BNG e a concelleira non adscrita de Podemos Isabel Faraldo.

Pola contra, os socialistas e populares votaron en contra dun texto no que se pedía tamén que se reprobase a conduta do rei emérito na súa recente visita a Sanxenxo. Tamén se instaba ao Congreso a investigar "os indicios de delito na actividade de Don Juan Carlos", así como a modificar o artigo 56 da Constitución "que lle atribúe ao monarca inviolabilidade ante a lei".

Os socialistas presentaron unha emenda que non contou co apoio de ningún dos grupos. O portavoz do goberno local, José Manuel Lage, sostivo que a actuación do rei emérito "non é para estar orgulloso", pero os socialistas non apoiaron unha moción que defendeu o concelleiro da Marea Atlántica Alberto Lema.

Por outra banda, na sesión plenaria, anunciouse, por parte do goberno local, a licitación nos próximos días do proxecto de reforma do mercado municipal de Monte Alto.

O Rei emérito Juan Carlos (i) e o presidente do Real Club Náutico de Sanxenxo e amigo do monarca, Pedro Campos, saen nun vehículo do domicilio de Campos tras a súa visita ao Naútico de Sanxenxo, a 20 de maio de 2022, en Sanxenxo, Pontevedra. Gustavo da Paz - Europa Press
O Rei emérito Juan Carlos (i) e o presidente do Real Club Náutico de Sanxenxo e amigo do monarca, Pedro Campos, saen nun vehículo do domicilio de Campos tras a súa visita ao Naútico de Sanxenxo, a 20 de maio de 2022, en Sanxenxo, Pontevedra. Gustavo da Paz - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta