Recuperan tres variedades de oliveiras propias de Galicia
Grazas ao traballo conxunto do CSIC e da empresa de aceite de oliva Olei.
Por GCAgro | Santiago de Compostela | 04/08/2014 | Actualizada ás 18:38
O Consello Superior de Investigacións Científicas (CSIC), xunto á empresa aceiteira Olei, recuperou tres variedades de oliveiras centenarias autóctonas de Galicia e está estudando as características e a calidade do seu froito.
O CSIC está desenvolvendo un estudo de caracterización agronómica, que analiza a calidade do froito, a produción e a calidade do aceite destas tres novas variedades recuperadas e doutras que poderían acharse e non estar tampouco catalogadas.
Outro campo de investigación de Olei e o CSIC no marco de Galiat 6 7, o grupo de investigación da Misión Biolóxica de Galicia-CSIC, é o posible efecto antitumoral e antimetastásico de determinadas moléculas presentes na aceituna e os aceites resultantes, en colaboración co Departamento de Farmacología da Universidade de Santiago de Compostela.
Outras liñas de investigación
Outro proxecto no marco do proxecto Galiat 6 7, en cooperación co Grupo Clínico do Hospital Clínico de Santiago de Compostela, é a valoración da incorporación de aceite de oliva virxe extra nos menús dos máis de dous centenares de familias que participan no ensaio.
O marco de Galiat 6 7 tamén se investiga o efecto das condicións do chan e as zonas de cultivo de Galicia no tamaño e caracterización do froito e a folla e na concentración de compostos presentes na aceituna. Doutra banda, trabállase na caracterización de follas e froitos e nas técnicas máis adecuadas para a selección e extracción da oliva.
