Máis de 1.600 vacantes para cubrir a vendima en Galicia

Randstad activou unha campaña de contratación para cubrir máis de 2.000 vacantes no sector vitivinícola en toda España con motivo da vendima de 2025, segundo informou este xoves. A maioría dos postos concéntranse en Galicia (máis de 1.600 vacantes), aínda que tamén se require persoal en Castela e León (máis de 400), Aragón (máis de 50) e A Rioxa (máis de 100).

Os perfís máis demandados son os de cortadores e cargadores, responsables do corte e transporte da uva nos viñedos. Trátase de empregos a xornada completa que requiren resistencia física e traballo en equipo, pero en moitos casos non esixen experiencia previa, xa que as adegas e cooperativas ofrecen formación básica.

O sector vitivinícola xera máis de 368.000 empregos equivalentes a xornada completa e representa entre o 1,9 % e o 2,2 % do PIB, segundo un informe de Analistas Financeiros Internacionais para a Organización Interprofesional do Viño de España (OIVE). Só na primeira metade da campaña 2024/2025, a produción en España alcanzou os 31 millóns de hectolitros de viño, un 9,6 % máis que no mesmo período do ano anterior.

Vendima e carga de uvas en colector nunha das viñas que abastecen á adega Pazo do Mar en Feá, a 8 de setembro de 2023, nel Olivar, concello de Toén | Fonte: Rosa Veiga - Arquivo